Cov tawm tsam taij kev ncaj ncees nyob Mias Mas, tig mus nrhiav pab neeg tuav riam phom kom tau tiv cov tseem hwv Mias Mas
Cov tawm tsam taij kev ncaj ncees nyob Mias Mas, tig mus nrhiav pab neeg tuav riam phom kom tau tiv cov tseem hwv Mias Mas.
Kev cheb ntxuav cov neeg tiv tseem hwv ntawm cov tub rog Myanmar txij lawv txeeb kav teb chaws los, ua rau muaj neeg tuag 4,400 leej lawm.
Ib tug tub koom tes hauv pab neeg txuag tsoom pej xeem nyob Mandalay (MDY-PDF), uas nws nyob hauv qhov chaw soj ntsuam nyob pem hauv ntej kev sib ntaus sib tua, nyob hauv lub xeev Shan qaum teb hais tias :
3 xyoos dhau los, cov neeg tawm tsam taij thov kev muaj vaj huam sib luag, lawv tuav tej tus chij ntawm tes. Lawv raug cov tub rog Myanmar caum tawm hauv cov kev tsheb nyob Mandalay, tom qab cov tub rog txeeb teb chaws.
Lub hlis tag los, cov neeg tawm tsam uas lawv yog tib pab qub rov qab ntsib cov tub rog. Tab sis zaum no lawv muaj phom nyob hauv lawv tes, lawv nyob hauv lub xeev Shan yav qaum teb. Lawv xuas phom tua rau tseem hwv cov tub rog.
Kev txeeb teb chaws 3 xyoos dhau los, yog hnub tim 1 lub 2 hlis. Ces xav tias kev kav lub teb chaws Myanmar, yuav poob mus nyob hauv cov tub rog tes mus li. Vim tias twb tau sim siv txoj cai muaj vaj huam sib luag los tau 10 xyoo, tab sis kuj tseem ua rau lub teb chaws rov qab poob nyob hauv kev sib ntaus sib tua, kev lag luam piam sij thiab ua kev txhawb siab rau cov tub ntxhais hluas ntau caum txhiab leej los sib sau ua ke, nyob hauv pab neeg pov hwm tsoom pej xeem (PDF). Thiab kev txeeb tus Txoov Tim Tswv yog los ntawm kev siv riam phom.
